全港送上門，直接送到你門口，唔係大廈地下 🚪
落單時揀日子同一小時時段，我哋就喺嗰個鐘頭內送到。
⏰ 幾時送到
落單後 3 個工作日內送到。落單時揀送達日子同一小時時段就得。
趕住要？可以先 WhatsApp 我哋 問一問嗰日做唔做到，確認咗先落單，唔會白等 💛
🚚 運費
按地區固定收費，唔計重量：一份定二十份，都係同一個價。
| 區 | 地區 | 運費 |
|---|---|---|
| A | 荃灣、葵涌、葵芳、青衣、深井 | $40 |
| B | 屯門、元朗、天水圍、錦田、上水、粉嶺、大埔、沙田、大圍、馬鞍山、火炭 | $60 |
| C | 九龍全區、將軍澳、西貢市中心 | $70 |
| D | 港島（中西區、灣仔、東區、南區） | $100 |
| E | 東涌、機場、馬灣、赤柱、石澳、淺水灣、清水灣、西貢郊區 | $150 |
| 自取 | 荃灣（需預約） | 免費 |
- 滿 $800 免運 🎉 冷藏甜品照收運費，不過金額一樣計入 $800。
- 暫時唔送：愉景灣、長洲、南丫島、坪洲、大嶼山南。
- 分區以收件地址為準，唔肯定屬邊區，WhatsApp 問我哋就得。
🚪 送到邊
送到收件人門口。送去公司嘅話，就係送到你辦公室門口，唔使落樓接貨。隧道費、過海、冇 lift 嘅樓，全部唔另收。
🏃 自取
荃灣自取，免運費，要預約。落單時揀「自取」，我哋會 WhatsApp 俾你地址同埋可以嚟攞嘅時間。
❄️ 冷藏甜品同新鮮提示
提拉米蘇杯用冰袋同保溫袋送，送到請即刻放雪櫃。請喺所選時段安排人收貨，冇人收嘅話司機等 15 分鐘後會帶返。
夾心曲奇室溫可以放 3 小時，送到即派最好；未食請放雪櫃，3 日內食。只限送貨或者自取，唔寄郵。
散水曲奇、Scone常溫送，收到放陰涼地方就得。
💁 其他收費
- 司機等候超過 15 分鐘：每 5 分鐘 $10
- 改地址：出貨前一個工作日或之前改，按新區補差價；出貨當日先改，按新區運費再收一次
- 冇人收貨、電話唔通或者地址錯要再送：按該區運費再收一次
- 大量訂單：同一地址一程車搞掂；要送去幾個地址，每個地址按所屬區各自計運費
🌧️ 惡劣天氣
8 號風球或者黑色暴雨，會順延到下一個工作日同一時段，我哋會主動通知你，唔另收費。
💬 有問題？
WhatsApp 我哋就得，有心會親自覆你。
WhatsApp +852 6896 2644